Llyfrgelloedd Conwy
Mae gennym 5 Llyfrgell Ardal a 5 Llyfrgell Gymunedol. Mae ein Llyfrgelloedd Ardal yn Abergele, Bae Colwyn, Conwy, Llandudno a Llanrwst. Mae’r Llyfrgelloedd Cymunedol yng Ngherrigydrudion, Bae Cinmel, Llanfairfechan, Penmaenmawr a Bae Penrhyn.
![Llyfrgell Abergele](/imager/images/4066/Abergele-Library-12_a57baf9cd54d80acd5a6b2c81ab55cde.jpeg)
Llyfrgell Abergele
Rydym wedi bod ar Stryd y Farchnad ers dros 50 mlynedd, wedi i ni agor ein drysau i’r cyhoedd am y tro cyntaf ar Ddydd Calan 1969. I ddechrau, roeddem ar gornel Stryd y Farchnad a Chapel Street (sydd bellach yn siop llysieuydd), ond rydym wedi bod yng nghalon y gymuned erioed.
![Llyfrgell Cerrigydrudion](/imager/images/4352/Cerrigydrudion-Library-9_a57baf9cd54d80acd5a6b2c81ab55cde.jpeg)
Llyfrgell Cerrigydrudion
Mae’n debyg mai ein llyfrgell ni yw un o’r rhai lleiaf yng Nghymru, ond rydym yn dal i chwarae rôl hanfodol ym mywyd ein cymuned. Agorwyd y llyfrgell i’r cyhoedd i ddechrau dros 60 o flynyddoedd yn ôl, gan symud o ystafelloedd y plwyf i adeilad y cyn glinig iechyd yn 2002.
![Llyfrgell Bae Colwyn](/imager/images/4082/Colwyn-Bay-Library-3_a57baf9cd54d80acd5a6b2c81ab55cde.jpeg)
Llyfrgell Bae Colwyn
Fe agorom ein drysau i’r cyhoedd am y tro cyntaf ym mis Ebrill 1905 i ddathlu coroni Brenin Edward y VII. Talwyd costau adeiladu’r adeilad gan y cyhoedd, yn cynnwys y noddwr hael Andrew Carnegie, a roddodd £3,800 – mae hynny’n fwy na £400,000 heddiw!
![Canolfan Ddiwylliant Conwy](/imager/images/3756/finished-building_a57baf9cd54d80acd5a6b2c81ab55cde.jpeg)
Canolfan Ddiwylliant Conwy
Mae Canolfan Ddiwylliant Conwy ger waliau hynafol tref Conwy. Dewch i wybod am ddiwylliant, a threftadaeth y sir a mwy!
![Llyfrgell Bae Cinmel](/imager/images/4359/Kinmel-Bay-Library-3_a57baf9cd54d80acd5a6b2c81ab55cde.jpeg)
Llyfrgell Bae Cinmel
Bydd y Llyfrgell yn cau ar ddydd Gwener Gorffennaf 12 ac n all-agor mis Hydref. Mae gwaith cynnal hynfodol yn cael ei gynnal ar yr adeliad a mae'r Llyfrgell yn cael ei hail gynllunio.
Bydd gwasanaeth meicro yn cael ei ddarparu o gyntedd y ganolfan gymunedol.
![Llyfrgell Llandudno](/imager/images/4322/Llandudno-Library-15_a57baf9cd54d80acd5a6b2c81ab55cde.jpeg)
Llyfrgell Llandudno
Mae llyfrgell gyhoeddus wedi bod yn Llandudno ers 1855, pan oedd yn rhan o adeilad sydd bellach yn safle Gwesty’r Grand ger y pier. Agorwyd llyfrgell bwrpasol yn 1873 ar Stryd Mostyn a Reform Street, ac mae’r ddwy goeden llwyfen Camperdown ar flaen yr adeilad yn dal yno ers hynny!
![Llyfrgell Llanrwst](/imager/images/11478/DSC04211_a57baf9cd54d80acd5a6b2c81ab55cde.jpeg)
Llyfrgell Llanrwst
Rydym yn adeilad yr hen lys ym Mhlas yn Dre ond nid dyma ein safle cyntaf yn y dref. I ddechrau, roeddem yn adeilad yr Institiwt, ac yna yn yr adeilad ble mae meithrinfa Traed Bach rŵan, cyn symud i Blas yn Dre.
![Llyfrgell Llanfairfechan](/imager/images/4366/Llanfairfechan-Library-3_a57baf9cd54d80acd5a6b2c81ab55cde.jpeg)
Llyfrgell Llanfairfechan
Agorodd ein llyfrgell gyntaf ar ddiwedd yr 1950au mewn hen siop groser, a adeiladwyd yn 1875 ac rydym wedi bod yno ers hynny, yng nghalon ein cymuned.
![Llyfrgell Penmaenmawr](/imager/images/4373/Penmaenmawr-Library-9_a57baf9cd54d80acd5a6b2c81ab55cde.jpeg)
Llyfrgell Penmaenmawr
Cafodd ein llyfrgell bresennol ei hadeiladu’n bwrpasol yng nghanol y 1970au a chafodd ei hailwampio yn 2012. Cyn hynny, roeddem ar Ffordd yr Eglwys yn y dref.
![Llyfrgell Bae Penrhyn](/imager/images/4381/Penrhyn-Bay-Library-9_2021-08-02-154423_a57baf9cd54d80acd5a6b2c81ab55cde.jpeg)
Llyfrgell Bae Penrhyn
Rydym wedi bod ar y safle ar Ffordd Llandudno ers 50 mlynedd, gan agor ein drysau i’r cyhoedd yn 1971. Gwnaed gwaith ailwampio mawr yma yn 2015 pan gawsom gegin a thoiledau cyhoeddus newydd. Mae ein gerddi cymunedol yn ennill gwobrau’n rheolaidd yn y gystadleuaeth Cymru yn ei Blodau