Benthyciadau a Ffioedd
Nid yw’n costio dim i fod yn aelod o’r llyfrgell, nac i fenthyca neu lawr lwytho llyfrau, defnyddio ein cyfrifiaduron neu ymuno â’n sesiynau stori neu sesiynau blasu TG. Fodd bynnag, rydym yn codi ffi am rai gwasanaethau. Hyd at 31 Mawrth 2025, ni chodir dirwyon am eitemau hwyr.
Argraffu a llungopïo
- Du a gwyn: 30c y ddalen (A4), 60c y ddalen (A3)
- Lliw: 70c y ddalen (A4), £1.40 y ddalen (A3) (Mae gwasanaethau argraffu a llungopïo A3 ar gael yn Llyfrgell Abergele, Bae Colwyn, Conwy, Llandudno, Llanrwst).
Mae cyfleusterau argraffu microffilm ar gael yn Llyfrgelloedd Bae Colwyn a Llandudno, y ffioedd yw: 65c y ddalen (A4), a £1.30 y ddalen (A3).
Mae pob llungopi, argraffiad ac atgynyrchiadau ffotograffig yn destun rheoliadau hawlfraint.
Gwneud cais am eitemau
Os na allwch ddod o hyd i’r teitl rydych yn chwilio amdano yng Ngogledd Cymru, gallwn chwilio drwy lyfrgelloedd ledled Cymru i chi. Mae gofyn am deitl o Gymru yn rhad ac am ddim. Gallwn hefyd chwilio llyfrgelloedd y tu hwnt i Gymru, ac mae gosod cais Rhwng Llyfrgelloedd yn costio £12.00 yr eitem.
Eitemau sydd ar goll, wedi eu dwyn neu eu difrodi
Os bydd eitem ar goll, yn cael ei ddwyn neu ei ddifrodi pan fydd yn cael ei fenthyg i chi, byddwn yn codi tâl yn seiliedig ar gost yr eitem ynghyd â ffi brosesu o £7.00. Os mai eiddo gwasanaeth llyfrgell arall yw’r eitem, byddwn yn codi tâl yn seiliedig ar bolisi benthyca’r llyfrgell honno, ynghyd â ffi brosesu.
Cerdyn Llyfrgell newydd
Os byddwch yn colli neu’n difrodi eich Cerdyn Llyfrgell ac angen un newydd, mae’n costio £2.50 i oedolion a £1.60 i blant dan 16 oed.
Eitemau ar werth mewn llyfrgelloedd:
- Clustffonau: £3.00
- Allwedd RADAR: £5.00
- Sachau Gwastraff Masnachol: £102
Rydym hefyd yn darparu ‘Books for Keeps’, ac yn gwerthu Tocynnau Theatr, eitemau o Arddangosfeydd, llyfrau a mapiau lleol - gofynnwch i'r staff am fwy o fanylion.
Digwyddiadau a gweithgareddau yn y llyfrgell
Mae sesiynau amser stori a gweithgareddau yn rhad ac am ddim.
Aelodaeth flynyddol y Grŵp Darllen yw £14.00 ar gyfer grwpiau a arweinir gan staff y llyfrgell, £7.00 os nad ydynt o dan arweiniad staff y llyfrgell.
Mae sesiynau galw heibio TG am ddim, ond efallai bydd yna dâl am gyrsiau TG a gaiff eu cyflwyno mewn llyfrgelloedd gan diwtoriaid TG.
Llogi ystafelloedd yn y Llyfrgell
Y taliadau am logi ystafelloedd cyfarfod yn ystod oriau agor y llyfrgell yw:
- Ystafell fechan (hyd at 4 o bobl) £12 fesul awr
- Ystafell fawr £14 fesul awr
- Mae’n bosibl bod gostyngiadau ar gael. Gofynnwch i aelod o staff.
Am fwy o wybodaeth ac i weld lleoliadau’r ystafelloedd cyfarfod ewch i dudalen llogi ystafelloedd yn y Llyfrgell.