Mae’r gored bysgota ganoloesol a’r maglau pysgod a arferai fod ym Mhwnt Rhos wedi hen fynd mwy neu lai, ond yn y bedwaredd ganrif ar bymtheg daeth ci o'r enw Jack yn enwog yn lleol am ddal pysgod yn y gored... hynny ydi, nes iddo gael ei ladd gan siarc yn 1873! Mae’r Theatr Byd Bychan wedi dod â bywyd newydd i’r hanes hwn ar ffurf gosodiad siarc, ci a physgodyn.

Mae’r Theatr Byd Bychan wedi dewis maelgi fel y tramgwyddwr. Mae maelgwn yn gorwedd, gyda chuddliw, yn y basddwr yn aros i’w hysglyfaeth ddod yn nes ac yna’n bwrw’r ergyd farwol. Mae llond llaw o bobl wedi gweld maelgwn, sydd mewn perygl difrifol, yn nyfroedd Cymru, ac er diwedd anffodus Jack y ci nid yw’r siarcod hyn yn fygythiad i bobl.

Gwyliwch yr animeiddiad byr yma am hanes Jac y Ci Pysgota. Darganfyddwch fwy drwy lawrlwytho ap y Llwybr Dychmygu yn www.imaginetrail.com.